Sankeerthana : Neeve Maaku Dikku
Thala : Aadi
నీవే మాకు దిక్కు నిన్నే తలతుము
కావు మా నేరమెంచక కరుణానిధీ
నెట్టన సూర్యునిలో నెలకొన్న తేజమా
గట్టిగా చంద్రునిలోని కాంతిపుంజమా
పుట్టిరక్షించే యజ్ఞపురుషుని ప్రకాశమా
వొట్టుక దేవతలలోనుండిన శక్తీ
సిరులుమించిన యట్టిజీవులలో ప్రాణమా
గరిమ వేదములలో గల యర్థమా
పరమపదమునందు పాదుకొన్న బ్రహ్మమా
చరాచరములలో సర్వాధారమా
జగములో వెలసేటిసంసారసుఖమా
నిగిడినమంత్రముల నిజమహిమా
మిగుల శ్రీవేంకటాద్రిమీదనున్నదైవమా
ముగురువేల్పులలోని మూలకందమా
No comments:
Post a Comment